القلوب الحزينة ..

موضوع: القلوب الحزينة .. الأحد مايو 04, 2008 4:05 am

لو يشتكي المظلوم وش في يدينه..؟؟

من يرحمه لا هلّت عيونه دموع..؟؟

من يسمعه لي باح خافي كنينه..!!

من هو يرد القلب لا صار منزوع..؟؟

مهما شكى قلبه وعقله وعينه...

شكواه ما تنفع ولا هوب مسموع..!!

الله على كثرة همومه يعينه...

قلبه غدا في روضة الهمّ مزروع...

زرعه ذبل من قبل وقته وحينه

صارت حياته همّ وأحزان ووجوع..

يوم انقطع حبل الرجا في يمينه

يسحب ولكن حبل رجواه مقطوع..!

ماعاد باقي كود ذكرى حنينه..

في خافقٍ برق الرجا عنه ممنوع.!!

هذي معاناة القلوب الحزينه..

مثلي أنا لو صحت ما نيب مسموع
Sad